කැඩපත ❤

පැළඳගත් වෙස් මුහුණු

වරින්වර වෙනස්වන 

වසාගත්  ඒ මුහුණු 

නියම තැන අවදි වන

ගැලවෙන්න බැඳි මුහුණු 

ඉඩකි  මං විවර වෙන

රකුසු ගුණ මතුවෙන්න 

තතු ලොවට පෙන්වන්න 

දුක් සතුටු රැගෙන එන

ජීවිතේ රඟහලකි

දකින්නට තම ගුණන්

රංගන්නට ඉඩ ලබන 

නළු ද නිලි රූ  වෙසින් 

ජීවිතය කියාදෙන

ලෝකයේ ගති ගුණෙන් 

හැම සතා හැඳිනගත් 

මනුසතා  කිසි දිනේ 

මෙසේ යැයි  නොහැදිගත්

නොපෙනෙනා රෙදිපිළිත්

නිරුවතක්  වසාගත් 

සඟවන්න දැරු වෙහෙස 

ක්‍රියාවට පෙන්වගත්

 

කැඩපතක් ඉදිරියේ 

නිහඬ ගොළු කතාවක් 

දකින  ඒ නෙත් ඔබේ

කියන ලොකු කතාවක් 

අන්ධ වූ නෙත් දෙකක්

බලන ඒ වතාවක්

හැකි වේද ඒ ලෙසින්

රඟන්නට කලාවක්

                      සෙව්......✍️